النسبه بين انزيم ال AST و انزيم ال ALT او ما يعرف بال ........(De Ritis ratio)

النهارده هنتكلم عن النسبه بين انزيم ال AST و انزيم ال ALT او ما يعرف
بال (De Ritis ratio)
طبعا كلنا عارفين دور الانزيمات الكبديه (AST & ALT) فى تقييم وظائف الكبد
او بمعنى اصح دورهم فى معرفه هل حدث (Liver cell destruction)

هل حدث تكسير فى خلايا الكبد (لاي مسبب كان) و بالتالي حدث الالتهاب الكبدى

ارتفاع هذه الانزيمات عن الطبيعى يشير الى حدوث تكسير خلايا الكبد و وجود حاله ال Hepatitis (بفرض اننا بنتكلم عن ارتفاعهم فى حالات الكبد فقط و لكن طبعا من المعروف ارتفاعهم فى حالات اخرى)

مش بس كده ..... احنا كمان نقدر نفرق بين الالتهاب الحاد (acute hepatitis) و الالتهاب المزمن (chronic hepatitis) من مقدار ارتفاع تلك الانزيمات فكلما كانت الانزيمات مرتفعه (highly elevated) نقدر نقول ان الحاله (acute) كما يحدث فى الالتهاب الكبدى الفيروسي A و كلما كان الارتفاع بسيط (mild elevation) نقدر نقول ان الحاله (chronic) زى ما بيحصل فى الالتهاب الكبدى الفيروسي C

طيب خلي بالك من المعلومه دى

انزيم ال ALT هو اول انزيم يعليا فى الدم فى حاله حدوث اى التهاب كبدى لان اكبر تركيز من الانزيم ده موجود فى سيتوبلازم الخليه الكبديه (على عكس ال AST الموجود بتركيز قليل فى السيتوبلازم بينما تركيزه الاكبر فى الميتوكوندريا)

طيب تعالي نفترض ان معانا حاله (acute hepatitis)
اذن نتوقع فى الحاله دى ان الانزيمات مرتفعه بشكل كبير
و نتوقع ان ال ALT ارتفع فى الدم اسرع من ال AST وبالتالى النسبه بينهم
AST/ALT Ratio …........ Less than 1
كده نقدر نفسر النتيجه و نقول ان ده التهاب كبدى حاد فى بدايته

طيب لو لقيت النسبه دى اكثر من 1 (AST/ALT Ratio ….. More than 1)
ده معناه ان انزيم ال AST ارتفع اكثر من ال ALT فى الدم و بالتالى اقدر استنتج ان مش فقط الخليه حصل لها تكسير انما كمان عضيات الخليه زى الميتوكوندريا اللى طلع منها ال AST بكميه كبيره فى الدم فيما يعرف بال (mitochondrial affection) سبب ان النسبه تبقي بالشكل ده
و ده معناه ان التكسير (More severe) و ان الالتهاب حاصل من فتره اطول من الحاله الاولي
طيب ركز بقه الكتب بتقول انه فى حاله ال (acute hepatitis) لو النسبه وصلت الى 2 او اكثر يبقي فى احتمال ان الحاله داخله على (Acute liver failure) و طبعا دى حاله لازم التأكد منها بتحاليل اخرى لخطورتها
طيب تعالي نفترض ان معانا حاله (chronic hepatitis)
اذن نتوقع فى الحاله دى الانزيمات مرتفعه بشكل بسيط
و نتوقع برضه ان ال ALT ارتفع فى الدم اسرع من ال AST وبالتالى النسبه بينهم
AST/ALT Ratio ....….. Less than 1
كده نقدر نفسر النتيجه و نقول ان ده التهاب كبدى مزمن و كل ما المريض يعمل التحليل فى المتابعه هيطلع بنفس الشكل دائما
خلي بالك بقه من نقطه مهمه فى المتابعه الطبيب بيهتم اكثر فى الحالات المزمنه بالنسبه بين الانزيمين لان الابحاث بتقول ان كلما زاد التليف الكبدى (as fibrosis progresses) كلما كانت النسبه بين الانزيمين اعلى من 1
بمعنى اخر يمكن اعتبار ان هذه النسبه ماركر للتليف الكبدى و لها دلاله تشخيصيه فى الحالات المزمنه اعلى من قيم الانزيمات مفرده
In chronic hepatitis the raised AST/ALT ratio correlates with fibrosis so the best routine marker of hepatic fibrosis is the De Ritis ratio
كده فهما اهميه النسبه بين الانزيمين فى استنتاج معلومات مهمه عن الحاله تضيف للتشخيص و تساعد الطبيب فى الحصول على صوره اوضح للحاله
د/ خالد مجدى
صفحة رابطة العلميين الطبيين فيس بوك