شريط تحليل المخدرات كارت المخدرات toxicology

كارت تحليل المخدرات
شريط تحليل المخدرات

ان شاء الله نتكلم النهارده عن انواع المخدرات و تحليل ال toxicology screen

أولا : نتكلم عن العينه المطلوبه للتحليل

================================
عينه بول عشوائيه هى العينه المطلوبه لأجراء التحليل
طبعا العينه ممكن تشتغلها fresh و ممكن تتحفظ فى الثلاجه (up to 48h)
من اكثر المشاكل فى التحليل 

** عينه البول تكون مخففه جداااا بحيث ياثر ده على النتيجه (المريض بيشرب كميات كبيره من المياه او بيستخدم مدرات للبول) و عشان كده فى بعض الحاجات اللى ممكن تترفض العينه على اساسها زى 

** لون البول فاتح جداا (very clear) و ان كان بعض المرضي بيستخدمو B-complex multivitamins كوسيله للتحايل و ده بيخلى البول لونه أصفر عادى رغم انه مخفف جدا
** ال pH اكثر من 8
** الكثافه النوعيه (اقل من 1003)
** تركيز الكرياتنين فى العينه اقل من (5 mg/dl)

ثانيا : نتكلم على طريقة عمل التحليل (الشغل)

===============
الطريقه اللى بيشتغل بيها كارت السموم اسمها
Competitive Immunochromatographic assay
و دى عكس الطريقه التقليديه فى الكروت الاخرى زى كارت الحمل مثلا
و هنا ظهور خطين فى الكارت (خط ال test و خط ال control) معناه ان النتيجه سلبيه بمعنى عدم وجود ال (Drug)

ثالثا : نتكلم على انواع المخدرات (الـDrugs) التى تظهر على الكارت

=====================================

 المنشطات (Amphetamines) و اختصارها على الكارت (AMP)

المنشطات هى مركبات كيميائيه تعمل على الجهاز العصبي (CNS) لزياده افراز الموصل العصبي (dopamine) مما يزيد من القوه البدنيه و القدره على التحمل و لذلك يشيع استخدامه فى بعض الرياضيين
و تتراوح فتره بقاءه فى البول بعد التعاطى من يوم واحد الى اربعه ايام (فى المتعاطى المزمن)
ملحوظه فتره بقاء اى (drug) فى البول تعتمد على المتغيرات الاتيه
 ** الجرعه المأخوذه
** فتره الاستخدام (هل يتعاطى من فتره قريبه ام منذ زمن طويل)
** طبعا نسبه تخفيف البول
** كميه الدهون فى الجسم
** حاله الكبد و الكلي (حيث يعتمد ايض الماده عليهما)

 الكوكايين (Cocaine) و اختصارها على الكارت ( COC )

او اسمها العلمى (benzoyl methyl ecgonine) و دى مركبات طبيعيه بتستخلص من نبات ال (Erythroxylum coca) اللى بيتزرع فى دول امريكا الجنوبيه زى الارجنتين و بوليفيا و كولومبيا و بيرو و الاكوادور
يعمل الكوكايين على الجهاز العصبي بشكل مماثل للمنشطات بمنعه عمليه ال (reuptake of dopamine) فيتراكم فى نهايات الخليه العصبيه (synaptic cleft) مسببا احساس بالنشوه و السعاده او ما يسمى (Euphoria)
و تتراوح فتره بقاءه فى البول بعد التعاطى من ثلاثه ايام الى 20 يوم (فى المتعاطى المزمن)

 المنومات (Barbiturates) و اختصارها على الكارت (BAR)

زى ال (Phenobarbital and secobarbital)
تستخدم كمنوم لعلاج الارق و علاج بعض نوبات الصرع و تعمل من خلال زياده تأثير الموصل العصبي (GABA)
ملحوظه: ماده ال (Sodium amytal) هى احد الباربتيورات اللى استخدم تحت مسمى مصل الحقيقه فى الحرب العالميه
و تتراوح فتره بقاءه فى البول حوالى يومين بعد التعاطى

 المهدئات (Benzodiazepines) و اختصارها على الكارت (BZO)

زى ال diazepam (Valium)
و زى ال flunitrazepam (Rohypnol) او ما يعرف بابو صليبه
و هى مواد تعمل ايضا من خلال زياده تأثير الموصل العصبي (GABA) و حلت محل الباربتيورات بشكل كبير لانها اكثر امانا
و تتراوح فتره بقاءه ال Valium فى البول حوالى 10 ايام بعد التعاطى

الافيونات (Opiates) و اختصارها على الكارت (OPI)

هى مركبات تستخلص بشكل طبيعى من نبات الخشخاش (opium poppy plant) و اهم مركب فيه هو المورفين (Morphine)
الهروين (Heroin) هو ماده مشتقه من المورفين و علميا هو (diacetylmorphine)
يعمل المورفين على الجهاز العصبي من خلال تنشيط مستقبلات (μ-opioid receptors) مما يسبب شعور بالتخدير و لذلك يستخدم المورفين طبيا ك (pain medication)
الهروين يتحول فى الجسم الى مورفين و يعمل بنفس الميكانيكيه و لان له (euphoric effects) فهو يستخدم كعقار مخدر للتعاطى و هو من اسرع العقاقير المسببه للادمان
و تتراوح فتره بقاءه فى البول حوالى 4 ايام بعد التعاطى
لاحظ ان بعض الادويه مثل ال Verapamil المستخدم لعلاج الضغط و Quinine المستخدم لعلاج الملاريا و ال Codeine المستخدم فى بعض ادويه السعال يمكن ان يعطى ايجابي كاذب فى خانه ال Opiates

الترامادول (Tramadol) و اختصارها على الكارت (TRA)

هو ماده مصنعه معمليا و يدخل ضمن مجموعه ال (opioid) حيث ان تركيبه قريب من ماده ال codeine
يستخدم الترامادول طبيا ك (pain medication) فى علاج الالام المزمنه كحالات السرطان و يعمل اما من خلال تنشيط ال (μ-opioid receptor) او منع ال (reuptake of serotonin)
و لانه من المواد الأفيونية التى تمنح المستخدمين شعورا بالمتعة فهو من اكثر العقاقير انتشارا بين الشباب و من اهم اعراض تعاطى الترامادول هو الخمول وتبلد المشاعر فالمتعاطى ولا يمكنه اتخاذ قرار لشعوره باللامبالاة كما انه فى احيان كثيره يصاب بعصبيه شديده
و تتراوح فتره بقاءه فى البول حوالى 4 ايام بعد التعاطى

 الحشيش (Cannabinoids) و اختصارها على الكارت (THC)

هى مواد طبيعيه مستخلصه من نبات القنب الهندى (Cannabis sativa plant) و يعتبر مركب ال (Tetrahydrocannabinol) هو المركب الرئيسي فى هذه المواد
و يمكن استخدام الاوراق و السيقان و الزهور المجففه لنبات القنب الهندى تحت مسمى البانجو او الماريجوانا (Marijuana)
او استخلاص اجزاء معينه من النبات (stalked resin glands) و ضغطها لصناعه الحشيش (Hashish) و المحتوى على كميه اكبر من الماده الفعاله (Tetrahydrocannabinol)
فى الثمانينيات تم اكتشاف المستقبلات التى يعمل عليها مركب ال THC (cannabinoid receptors) مسببه الشعور بالنشوى (Euphoria )
و تتراوح فتره بقاءه فى البول بعد التعاطى من ثلاثه ايام الى 30 يوم (فى المتعاطى المزمن) حيث ان ماده ال THC تمتص جيدا بواسطه النسيج الدهنى فى الجسم و لذلك يكون الميتابولزم لها بطئ و يتخلص منها الجسم ببطء شديد
لاحظ ان بعض الادويه مثل Pantoprazole (proton pump inhibitor) المستخدم فى علاج ارتجاع المرئ يمكن ان يعطى ايجابي كاذب فى خانه ال THC

ملحوظه : هناك مجموعه من العقاقير تعرف بعقاقير الهلوسه (Hallucinogens ) غير موجوده على الكارت السباعى للمخدرات و المتعارف عليه فى المعامل فى مصر و تشمل عقار الهلوسه Lysergic acid diethylamide (LSD)
و عقار ال Phencyclidine او ما يعرف بتراب الملائكه و عقار ال Dimethyltryptamine او ما يعرف بأقراص الفيل الأزرق
كذلك ظهر حديثا نوع من المخدرات المصنعه بالكامل معمليا (synthetic drugs) لتشابه تأثر ال (Cannabinoids) و لكن بالطبع تختلف عنها فى التركيب و لذلك لا تظهر على الشريط السباعى للمخدرات
و اشهرها عقاري الفودو (Voodoo) و الاستروكس (Strox) و لهم اخبار معملى مستقل عن الكارت السباعي

د/ خالد مجدى
د/ على العربى
--------------
الكلمات الأفتتاحية 

اختصارات تحليل المخدرات opi
شريط تحليل مخدرات سباعي

اختصارات تحليل المخدرات بالعربي

اختصارات تحليل المخدرات السباعي

اختصارات كارت المخدرات

كارت تحليل المخدرات الرباعي

اختصارات شريط تحليل المخدرات السباعي
ما هو bzo في تحليل المخدرات

ظهور خط خفيف في اختبار المخدرات

ما هو تحليل opiates

اسم تحليل الحشيش بالانجليزي