كيفية كتابة تقرير المعمل الاحترافى Laboratory Report
تقرير المعمل او الــ ( Report ) دى الحاجه الوحيده تقريبا اللي بيشوفها الطبيب من المعمل
الطبيب لا يرى اجهزتك و تجهيزات معملك .
انما شاف التقرير بتاعك يبقي لازم يكون تقريرك
هو واجهه معملك
لازم اللى يشوفه ياخد انطباع ان معملك ده مميز مش زى اى حد و على فكره ده من اساسيات ضبط الجوده المعمليه فى المرحله الـ analytical post ))
طيب نتكلم بشكل مبسط
عن اساسيات التقرير المعملي الجيد
اولا :: ورقه التقرير نفسها
طالما اتفقنا ان دى
واجهه معملك و انك عاوز انطباع اولي كويس عند الطبيب و ايضا عند المرضي( يبقي
ضرورى تكون الورقه من خامه جيده و تكون الوانها بسيطه هاديه )وليس شرط الوان
متعدده ممكن لون واحد بس تصميمه متميز(و بالش يبقي فى عالمه مائيه واضحه اوى فى
الورقه عشان يبقي النتائج واضحه امام الطبيب و دائما تذكر انه من الناحيه النفسيه
لما حد يشوف المنتج بتاعك (التقرير) مميز تلقائيا هيتكون عنده راي ان داخل المعمل
عندك ايضا مميز من غير ما يشوفه ) طبعا بشرط دقه النتائج.
مع ملاحظة ان مش بعد
ما تكلف و تعمل ريبورت محترم تقوم طابعه بشكل وحش بطابعه مطلعه خلفيه سوداء و الضل فى الصفحه
كده كانك معملتش حاجه
لازم طابعتك تبقي
كويسه جدا
ثانيا: بيانات المعمل وبيانات مدير المعمل
دى كمان نقطه دعايه
جيده لمعملك .... اسم معملك .... اسمك الشخصي .... مؤهالتك العلميه و اكتب هنا كل اللي كل ما حصلت علية زى دبلومتك او ماستر و دكتوراه او بورد امريكي
او انك عضو جمعيه كذا
ثالثا: بيانات المريض
طبعا ده شئ اساسي و
مهم جدا يتراجع كويس .....
( الاسم كامل ثلاثى و
السن و تاريخ التحليل و اسم الطبيب العالج )
الغلطه فى البيانات
دى مشكله لان المريض وقتها بيعتقد بشكل مباشر ان تم تبديل العينات نفسها فى الشغل
... مش مجرد غلطه طباعه( و المريض لو شك فى المعمل بتبقي مشكله و شئ سلبي جدا فى
منظومه الشغل عندك ..... فكن حريص جداااااااااا فى النقطه دي و راجع اكثر من مره
رابعا: الاختبارات والتحاليل المطلوبه
المقصود التحاليل
المطلوبه للمريض........ كتابه التحاليل مش مجرد انك ترصها تحت بعض و خالص ...
اعمل عناوين و تحتها
التحليل بشكل منظم ....... مش لازم تكتب كل التحاليل فى صفحه واحده مش هتكلفك حاجه
لو بقوا صفحتين او ثالثه بس موزع فيهم التحاليل بشكل كويس
من الاخر خلي شكل
تقريرك منظم جدااا بحيث يسهل على الطبيب قراءته بدون مجهود و بدون ما يقعد يدور
على التحليل فين فى الصفحه !!!!!
خامسا: النتائج و وحدات القياس
مفيش شك ان ده التارجت اللى عين الطبيب هتقع عليه مباشره ..... لان ده اللى هو عاوزه يبقي لازم تقدمه فى اسهل طريقه ممكنه بحيث النتيجه
نفسها تجذب نظره مباشره
خلي نتيجتك بخط سهل
قراءته وخلي النتائج ال ( abnormal )مميزه بلون مختلف او حتي تظليل هادي ....... المهم انها تجذب نظره ........... و اتأكد ان بجوار كل نتيجه وحدات
القياس الخاص بها لان من غيرها محدش يقدر يقرأ النتيجه
خلى بالك
بلاش علامات عشريه دون داعي لها ولا فائده منها
مثال لو عندك انزيمات كبد هل في فرق علمي مهم بين النتيجه (25 ) و النتيجه (25.36)؟؟؟؟؟؟ بالتاكيد لا فرق اطلاقا ...... يبقي ليس من الحرفيه انك تكتب الرقم بالشكل ده (25.36) ربما تغلط فى الكتابه و تكتبها بالخطأ (2536) شوفت الكارثه ؟؟؟
و ربما الطبيب نفسه مياخدش باله من العالمه العشريه و يظن ان الرقم هو(2536) يبقي انت سببت مشكله بكتابتك للرقم بالطريقه دى و بدون فائده علميه
اذا متي اكتب ارقام عشريه ؟؟؟؟؟
فى القيم الصغيره زى الكرياتنين .. زى الهرمونات ......... انما غير كده خلي ارقامك صحيحه
سادسا: النورمال (range reference )
اياك انك تطلع نتيجه تحليل بدون ما يكون النسب الطبيعيه لها مكتوبه
ازاى اى حد يشوف الريبوت ده يقدر يقيم النتيجه
بغض النظر ان فى نورماالت معروفه عالميا للكل
( لكنه مبدأ مفيش نتائج بدون نورمال ...... و خلي بالك من نقطه مهمه مش لازم تلتزم تماما بنورمال البامفلت او البرنامج )
مثال لما نيجى لتحليل زى السكر ........ اكتب الـ(criteria diagnostic) بتاعه منظمه الصحه العالميه افضل و ادق و تخلي شكل الريبوت محترم بــــ (reference )علمي معروف
مثال أخر مجموعه الدهون اكتب لها برضه نورماالت من مرجع زى
( Clinical s'Henry Management and Diagnosis )
اللي مقسمه االرقام حسب درجات الخطوره .... ده يدى الريبورت بتاعك شكل و قوه افضل
خلي دائما نورمال شغلك معتمد على مرجع علمي فى الاساس قبل ان يعتمد علي البامفلت
طبعا مش محتاجه توضيح انك تاخد بالك من أختلاف النورمال حسب السن و حسب الجنس
سابعا: التعليق على النتائج(Comment )
ده من الامور المهمه فى التقرير
و ليس كما يظن بعض الزملاء انه تشخيص للحاله .
فكما اتفقنا ان المعمل ليس جهه تشخيص حالات مرضيه ابدا لكن فائده و الهدف العلمى من الكومنت انك توجهه نظر الطبيب لنقطه محدده
مثال
1- تطلب للحاله تحليل انت شايف انه مكمل للتشخيص
2- تطلب تحليل احدث نتائجه ادق .
3- توضح نقطه تخص التحليل اللى اتعمل
و خلي بالك الكومنتات دى مش شئ ثابت بيتحفظ ده محتاج خبره و علم كبير عشان تقدر تكتب كومنت مناسب للحاله و بالتاكيد ده بيدي تقريرك قوه كبيره و بيكون تقرير احترافي بشكل كبير
بالمناسبه الماده ( 1 ) من قانون المزاوله بتديك الحق القانون فى كتابه تعليق على شغلك )
وإبداء آراء في مسائل أو تحاليل كيمائية طبية, وبوجه عام مزاولة مهنة الكيمياء الطبي ة بأية صفة عامة كانت أو خاصة (
ثامنا: التوقيع على التقرير
توقيعك على التقرير و ختم معملك شئ مهم لان معناه انك كمدير للمعمل راجعت النتائج ده بنفسك و موافق على اخراجها للمريض
و ده يدي نوع من الثقه النفسيه للمريض و ايضا للطبيب فى تقريرك و نتيجتك لكن انت لو وقع فى ايدك تقرير مش مختوم او ممضي ..... كمريض تفكيرك منطقيا حيبقي تساؤول مين اشتغل و مين طلع النتيجه؟؟؟؟
و خلي بالك فى ماده فى قانون المزاوله رقم 367 بتلزمك بتوقيع التقرير باسمك )
يعنى ده لازم قانونا كمان(
ماده ( 27) يجب أن تحرر التقارير الخاصة بنتائج الفحص الصادرة من المعمل من أصل وصورة موقعا عليها من المدير المسئول