قصه خياليه من المستقبل القريب
السلام عليكم
عليكم السلام و رحمه الله و بركاته اتفضل
عاوز اعمل التحاليل دى
تحت امرك
هو حضرتك معاك ايه مؤهلك ايه
انا بكالوريوس علوم
دراسات عليا فى الكيمياء الطبيه
دكتوراه فى المناعه
عضو الجمعيه المصريه للكيمياء الاكلينيكيه
و حاصل على البورد الامريكى فى التحاليل الطبيه
و عضو الجمعيه الامريكيه للباثولوجيا الاكلينيكيه
ما شاء الله ما شاء الله ربنا يبارك لك و حضرتك انت مدير المكان هنا
لا انا شغال هنا بس مدير المكان الدكتور فلان طبيب بشري
ما شاء الله ده على كده بقه دا واخد جايزه نوبل فى التحاليل عشان يبقي مديرك هههههه
لا ابدا ده لسه مخلص الماجستير
ازاى يا ابنى لسه واخد ماجستير و يبقي مديرك؟؟
ده خريج طب يا استاذ خريج طب مش عارف طب يعنى ايه
ايوه يا ابنى على عينى و على راسي بس ده مؤهله اقل منك يعنى لو هو سجل دكتوراه انت حتبقي المشرف بتاعه
اه فعلا ممكن ابقي المشرف بتاعه
طيب ازاى بقه تبقي المشرف اللى بيوجهه فى شغل علمى بحثي زى الدكتوراه و هو هنا مديرك؟؟؟
يا استاذ بقولك خريج طب مش عارف يعنى ايه طب
يا ابنى ماشى عموما ربنا يوفقك طيب بس انا عاوز مدير المكان هو اللى يشتغلي بنفسه بعد اذنك
فى الحقيقه هو لسه بيتعلم الشغل حضرتك و انا بحاول اعلمه بسرعه عشان يقدر يمسك المكان
يا ابنى انت حتجننى يعنى معاك دكتوراه و بتعلمه الشغل و هو مديرك
يا استاذ احنا فى مصر يا استاذ
خلاص شكرا يا سيدى حروح احلل فى بلد تانيه
الى اللقاء مع قانون المصلحه
الى اللقاء مع قانون معامل التحاليل الطبيه الجديد
نقلا عن رابطة العلميين الطبيين
معا لإيقاف مهازل معامل التحاليل الطبية
نعم للإشراف العلمى
علماء التحاليل الطبية
خريجى كليات العلوم