كيفية عمل تحليل الـ INR مانيوال
وتنبيهات على بعض الأخطاء التي تقع في هذا التحليل
أولا : سحب العينة
1- تسحب العينة على سترات بنسبة 10% سترات
يعني ناخد 200 ميكرولتر سترات ونسحب عليهم 1800 من الدم.
2- لازم السحب يكون سريع لأن لو حصل تأخير
وتكونت جلطة فهذا معناه إن جزء من البروثرومبين استهلك في تكوين الجلطة والتحليل هيبقى
غلط مهما كانت الجلطة ضعيفة.
3- لازم الكمية تكون مظبوطة تماما .
4- لو كمية الدم جت كبيرة شوية مفيش مشكلة
ممكن نزود نسبة من السترات تكافئ الدم الزيادة.
يعني لو نص مل زيادة من الدم نزود عليه
بسرعة 50 ميكرو سترات .
أما لو الدم ناقص مفيش حل غير عينة أخرى
أو تكمل العينة بسرعة لو كان المريض لسه موجود والعينة الأولى لسه مسحوبة.
ثانيا : التحضير
1- تفصل البلازما بسرعة قدر الإمكان.
2- نضع حوالي 150 من البلازما في أنبوبة
ونضعهم في الحمام المائي .
3- يقلب الريئجنت جيدا ثم نسحب بالضبط
200 م من الرئجنت ونضعهم في أنبوبة زجاج ونحضنهم لمدة حوالي 3 - 4 دقائق في الحمام
المائي.
3- الستوب ووتش مضبوط وممكن نستعين بمن
يساعد في ضبط الوقت إلى حين اكتساب الخبرة والسرعة المناسبة.
ثالثا : الشغل
تاخد 100 م من البلازما المتحضنة وتمزجهم
ب 200 من الرئجت اللي هم متحضنين أصلا. وانت بتضغط البيبيت اللي جنبك يشغل الستوب ووتش
بمجرد المزج حضرتك تقلب العينة بسرعة وهي
في الحمام المائي يعني ترفعها تقلبها وترجعها لمدة مثلا 8 ثواني وبعدها تخرجها بره
وتقلبها وأثناء تقليبها بتحركها على جدار الأنبوبة وأول ما تشوف بداية خيوط الجلطة
تعمل ستوب وتاخد النتيجة .
يفضل عمها مرتين للتأكد من النتيجة إلى
حين اكتساب الخبرة والسرعة المناسبة.
رابعا: التنبيهات
1- لو حضرتك اتبعت الخطوات كويس الجلطة
هتحصل بشكل كامل بسرعة يعني حتى لو مخدتش بالك من بدايتها يبقى هتتأخر بالكتير نصف
ثانية .
2-اللي يأكدك من شغلك إن أغلب الحالات معاك
تطلع بالضبط رقم الكونترول أو إنك تسحب لعشر حالات نورمال تلاقي أغلبهم نفس الرقم
. وهو ده الكونترول بتاعك.
3- بفرض انك بتتأخر ثانية كاملة وده صعب
يبقى هتتأخر الثانية دي في الكونترول والحالات . علشان كده التحليل ده بيتم مقارنته
بالكونترول فبالتالي بيبقى نفس الريئجنت معمول له كونترول بنفس الإيد اللي بتشتغل.
وممكن لو حاسس انك بتتأخر نص ثانية مثلا
أو حتى ثانية كاملة تبقى تطرحها من الكونترول ومن العينات .
4- أكثر خطأ بيقع فيه ناس كتير: طول فترة
التحضين لأنها بتضعف الرئجنت وبتعمل جلطة ضعيفة وكمان الجلطة تكتمل ببطء فبيشوش على
اللي بيشتغل وبيشككه. يبقى الأفضل إن التحضين من 3 - 4 أفضل وأسلم . وعلى فكرة ممكن
أكتر وينفع بس على حسب قوة الريئجنت.
5- مشكلة تانية بتسبب ضعف الجلطة : ان اللي
بيشتغل يخرج الأنبوبة من الحمام المائي بعد الخلط مباشرة وميدخلهاش تاني أثناء التفاعل
وبالتالي تقل الحرارة عن 37 والجلطة تكون ضعيفة وبطيئة.
6- الشغل في الحضانة بيصعب السيطرة على
كل الامور المتداخلة في التحليل.
7- الشغل بشريحة بيصعب الخلط وبيأثر على
السرعة .
منقول : دكتور محمود سعد
معمل الصحابة للتحاليل الطبية بالمنصورة