نظام ورقة الامتحان فى دبلومة التربوى كل المراكز

 نظام ورقة الامتحان فى دبلومة التربوى جامعة الازهر كل المراكز 2026

سوف نتكلم معكم اليوم عن نظام الامتحان "ورقة الامتحان"

من واقع خبرة العام الماضى واجتياز الدبلومة بتقدير جيد جدا 
سوف اشرح تفاصيل ورقة الامتحان وكيفية الحل 

نظام ورقة الامتحان فى كل المواد تقريبا 

السؤال الاول : سؤال موضوعى 

غالبا بيكون سؤال "أختر من الكلمات"
وبيكون عبارة عن 10 او 20 نقطة 

او يكون سؤال صح وخطأ 
وبيكون عبارة عن 10 او 20 نقطة 

طريقة حل السؤال 
لا تضيع الوقت فى اعادة كتابة السؤال 
هتعمل جدول فى اول صفحة مكون من 20 صف 
وتقسم الجدول ثلاثة اعمدة 
العمود الاول هتكتب رقم النقطة 1 و 2 و3 و هكذا 

العمود الثانى هتكتب رمز الاختيار أ او ب او ج او د 
العمود الثالث هتكتب الكلمة الى اختارتها الى جنب الرمز 

حاول تحل اسئلة امتحانات كثير فى السؤال ده لانها بتتكرر 

السؤال الثانى : سؤال مقالى قصير 

غالبا بيكون ثلاثة نقاط اختر اثنين 
او اربعة نقاط اختر ثالثة 
وممكن يكون السؤال اجبارى 

طريقة حل السؤال 
هتحل السؤال ده فى نصف صفحة بالكثير صفحة متزودش 
كيفية الحل 
هتكتب عناصر ويستحسن بلون غير الازرق وطبعا ممنوع الاحمر 
وتحت كل عنصر هتكتب سطرين او ثلاثة باسلوبك 
مش لازم تحفظ بنص الكتاب افهم العنصر بيتكلم عن ايه 
المهم تعرف العناصر فى كل موضوع سؤال 

السؤال الثالث : سؤال مقالى طويل 

غالبا بيكون ثلاثة نقاط اختر اثنين 
او اثنين اختر نقطة واحدة
وممكن يكون السؤال اجبارى 

طريقة حل السؤال 
هتحل السؤال ده فى صفحة بالكثير صفحتين متزودش 
كيفية الحل
هتكتب عناصر ويستحسن بلون غير الازرق وطبعا ممنوع الاحمر 
وتحت كل عنصر هتكتب سطرين او ثلاثة او اكثر باسلوبك 
مش لازم تحفظ بنص الكتاب افهم العنصر بيتكلم عن ايه 
المهم تعرف العناصر فى كل موضوع سؤال