كيفية المذاكرة للدبلوم العام فى التربية جامعة الازهر 

دبلومة التربوى من أسهل الدبلومات لكن عايزة مذاكرة زى اى دبلومة ثانية 
كيفية المذاكرة مع هذا الكم من الكتب والمواد 
هنقل لكم تجربتى مع الدبلومة وخاصة لم يبقى غير شهر واحد على الامتحانات 

اولا : هتجيب ورقة وقلم ونبدأ مع بعض يفضل كراسة

أكتب اسماء المواد بترتيب جدول الامتحانات 
تحت كل مادة اكتب اسم دكتور المادة 
اعمل صفحة لكل مادة 
اكتب المقرر الى عليا فى المادة 
اهم الاسئلة الى الدكتور ركز عليها

ثانيا : نعمل صفحة فى الكراسة لكل مادة 

نكتب اسم المادة كعنوان 
تحتها اسماء كل الدكاترة التى تقوم بشرح المادة فى المركز 
نأحذ خط ونكتب المنهج المقرر فى المادة 
وفق الدكتور الى بيشرح للمجموعتك 
يعنى الفصول المقرره بارقام الصفحات الكتاب المقرر

اهم الاسئلة الى الدكتور ركز عليها

الأسئلة ال بتقولها الدكاترة في آخر محاضرة أو باقي المحاضرات وبتكون مع بعض الطلبة

وأكيد الأصل هو الكتاب والعروض التقديمية البوربوينت وما يقوله الدكاترة المحاضرين

ثالثا : تجميع ملخصات بالاضافة الى الكتب على جهاز كمبيوتر او موبيل 

بعد كتابة المقررات للمواد فى كراسة واسماء الدكاترة 
هنبدأ نجمع الداتا الى هنذاكر منها 
نبدأ باخر مادة فى جدول الامتحانات ونمشى بترتيب الجدول من الاخر للاول 
نضع توقيت زمنى لكل مادة وليكن ثلاثة ايام او يومين او اسبوع 
كل واحد حسب قدرته فى المذاكرة 
مع تجميع الامتحانات السابقة 
فكل واحد مسئول يتأكد من منهجه مطابق التلخيص والأفضل يركز على المقرر

رابعا : طريقة المذاكرة لكل مادة من المواد 

طبعا مع ضيق الوقت وبعد تجميع كل المخلصات والكتب 
اجمع الامتحانات السابقة 
وفق المقرر المحدد هبدأ اذاكر اسئلة الامتحانات اولا 
وهحدد هذاكر السؤال ده منين بحيث يكون عندى داتا اذاكر منها يوم الامتحان 
بعد كده هذاكر الاجزاء المقرره فى اخر فصول الكتاب لانها مهمة جدا 
طيب لو انا دحيح اذاكر الفصول المهمة بالكامل 
بمعنى احدد عدد فصول واذاكرها 

الخلاصة 
المهم قبل المذاكرة احدد الورق الى هذاكر منه المادة يوم الامتحان 
حتى لو مقدرتش اذاكر كل الورق 
المهم افهم المادة كلها ماشية فين
وهذاكرها منين يوم الامتحان 
اول مادة فى جدول الامتحانات اسبها خالص لانها سهلة 
لانى لو ذكرتها لازم اذكرها تانى 
واقدر لها اربع ايام مذاكرة قبل الامتحانات
فيه مواد هتحتاج يوم او يوم نصف بالكتير 
وفيه مواد صعبة هتحتاج ثلاثة ايام 
زى علم النفس 1 و2
زى الفلسفة 
وفيه مواد عبارة عن مادتين تحتاج وقت اطول 
المهم فى خامسا

خامسا : تحديد الورق الى هذاكر منه المادة يوم الامتحان 

اهم من المذاكرة هو تحديد الورق الى هذاكر منه يوم الامتحان من الان 
حتى لو هطبع فصل من مذكرة واخر من مذكرة اخرى 
او فصل هذكرة من الكتاب 
او فصل هتكتبة بخط الايد ودا الافضل 
لازم احدد هذاكرة المادة من فين واجهز الورق ده من الان 
وكل مادة يكون لها ورق او فولدار على الكمبيوتر 
وكل واحد مسئول يتأكد من منهجه مطابق التلخيص والأفضل يركز على المقرر

اخيرا : لا تتوتر او تقلق الامور سهلة 

محدش يقول الدنيا صعبة 
اهم حاجة اقرأ المادة قراءة واحدد هذكرها منين يوم الامتحان 
وطبعا مع معرفة حلول اسئلة الامتحانات السابقة 
للدكتور المادة 
يعنى وانت بتبص على الامتحانات لازم تشوف الدكتور الى عمل الامتحان 
هو الدكتور الى بيديك او فى مركزك ام لا 
لان ده مهم جدا فى طريقة تفكير الدكتور واحنا قلنا من الاول 

وأكيد الأصل هو الكتاب والعروض التقديمية البوربوينت وما يقوله الدكاترة المحاضرين

فى اخر الامر هنزل فى تدوينات قادمة مادة مادة بترتيب الجدول 
هنبدأ من اخر مادة فى جدول الامتحانات 
هنزل ملخصات متعدده وانت تختار وتحدد هتذاكر منين 
ولازم تنفهم 
لان الامتحان بيحتاج عناصر اكثر من الشرح 
اعرف العناصر وعبر بطريقتك 
بالتوفيق 

تحديث 
نزلت على المدونة 11 مواد بترتيب الجدول لكن من اخر الجدول 
اضغط على اسم المادة 
1- الخلاصة فى مادة الاصول الاجتماعية و الثقافية 

2-الخلاصة فى مادة فلسفة التربية 

3-الخلاصة فى التربية والمشكلات 

4-الخلاصة مادة المناهج التعليمية 

5-الخلاصة فى طرق التدريس العامة 

6-الخلاصة مادة التدريس المصغر

7-الخلاصة فى مادة الوسائل التعليمية

8-الخلاصة فى مادة التربية الصحية 

9-الخلاصة فى مادة علم النفس التعليمى 1

11-الخلاصة فى مادة تاريخ التربية