كيفية قراءة  و استخدام البامفلت pamphlet فى تفاعلات الكيمياء داخل المعمل

من أغرب و أعجب الموضوعات اللى ممكن تسمعها فى مجال الكيمياء الطبية ( التحاليل ) انك تجد أخصائى  بيشتغل بدون بامفلت pamphlet  .
بمعنى لا عرف مكونات المواد التى سوف يجرى بها التفاعل المطلوب ولا عرف نوع العينة المستخدمة  للاجراء التفاعل ولا عارف المركب المراد قياسة اسمه ايه و لاعارف ظروف التفاعل ولا عارف نوع التفاعل الذى يريد عمله من اجل قياس المركب المراد قياسة .

بيشتغل بالسمع !!! اتعلم الطريقه من شخص ما و اشتغل بناء على ما تعلمه و فقط !!!!

و ربما يتغير الكيت و هو ما زال على نفس طريقه الشغل بدون تغير !!!!!!

كلام ليس له علاقة  بالعلم  ولا بالكيمياء اطلاقا  و مينفعش كأخصائي تعمل كده ابدا

نصيحه مهمه للزملاء المبتدئين فى مجال الكيمياءالطبية ( التحاليل الطبية )

اهم شئ فى بدايه شغل الكيمياء انك تتعلم تقرأ البامفلت الخاص بالتحليل كويس جدا

و اعرف انه مش ممكن تتعلم صح من غير ما تعرف تقرأ البامفلت

البامفلت pamphlet

دى عبارة عن كتيب ( الورقة ) الموجودة مع الكواشف الكيميائية  (chemistry kits )

و عشان الامر يبقي سهل و واضح احنا ممكن نقسم معلومات البامفلت الى 3 اقسام

القسم الاول: هى المعلومات الاساسية الضرورية لبرمجه جهاز الكيمياء دى تشمل االتى:

1- طريقة القياس (end point, fixed time, kinetic)

2- الطول الموجى اللى هتقيس عنده ( Wavelength )

3- درجه حراره التفاعل ( Temperature )

4- قيمه االستاندر ( conc Standard ) او الفاكتور ( factor )

5- أعلى قيمه و أقل قيمة يمكن للرئيجنت قرائتها وطريقة  (linearity )

بعض الأجهزه بتطلب معلومات اضافيه زى كميات المواد الداخله فى التفاعل و ممكن النورمال رينج

القسم الثانى: المعلومات الخاصه بالعينه و الرئيجنت و طريقه الشغل و العلاقة المباشره بالبرمجة و تشمل

1- طريقه تحضير الرئيجنت للشغل (PREPARATION REAGENTS )

2- الظروف المثاليه لحفظ الرئيجنت زى حمايته مثال من الضوء و هل يحفظ فى الثلاثة او درجه حراره الغرفه و غيرها من الاشتراطات للحفاظ عليه

حتى تاريخ انتهاء الصالحيه ( STABILITY AND STORAGE )

و فى نقطه مهمه فى العديد من البامفلت و هى انها بتديك رقم محدد أمتصاص البلانك

(اللى هى رئيجنت فقط) لو طلع االإمتصاص على الجهاز اعلى منه فده دليل على عدم صالحيه الرئيجنت ( DETERIORATION REAGENT )و بلاش تشتغل بيها و عشان كده مهم جدا تشتغل البلانك من الرئيجنت نفسه ) و بلاش استخدام الماء المقطر كبديل له فى بعض المعامل للتوفير)

3- العينه المطلوبه للتحليل (SAMPLES ) و طريقه حفظها و كمان يقولك هى ثابته كام يوم و ده مهم جدا و بيجاوب على اسئله عديده بيسألها زملاء على جروبات التحاليل زى اسحب العينه على ايه او العينه عدى عليها كذا ساعه ينفع اشتغلها ؟؟؟ و غيرها من الاسئلة اللى بتجاوب عليها البامفلت بشكل مبسط

4- طريقه الشغل (PROCEDURE ) و طبعا ده الجزء المهم عمليا عشان تعرف بتشتغل كام على كام من الرئيجنت و العينه و تعرف بتتحضن فى درجه حراره ايه و مده التحضين و كمان حتعرف حاجه مهمه اوى هى الـ( stability color )او لحد امتى يفضل اللون المتكون ثابت

** يعنى لو اشتغلت سكر كمثال

تقدر تسيب العينه المحضرة (المعموله)  وقت اد ايه قبل ما تقيسها

5- المتداخلات (INTERFERENCES ) بمعنى ايه يأثر على القياس زى ال ( hemolysis )او ال ( lipemia )

القسم الثالث: عبارة عن معلومات عامه عن التحليل و كيمياء الشغل و دى  ان كان ملهاش علاقة بالشغل العملي لكنها مفيده و حتتعلم منها اسلوب مراجع التحاليل و تشمل

** الفكره العلميه للتفاعل الكيميائي (METHOD THE OF PRINCIPLE )

**الدلائل المرضيه للتحليل بشكل مختصر (SIGNIFICANCE CLINICAL )

** النسب الطبيعيه ( VALUES REFERENCE ) و ان كان يعتمد عليها بشكل مؤكد

فى النهايه ارجو ان كل الزملاء المبتدئين يهتموا جداااا بالبامفلت و يتعود انه ميشتغلش كيمياء من اى شركه من غيره الباملفت

د/خالد مجدى
د/على العربى