لو عايز تكون أخصائى تحاليل طبية من كلية علوم للطلاب الثانوية العامة

 لو عايز تكون أخصائى تحاليل طبية من كلية علوم للطلاب الثانوية العامة

السلام عليكم ورحمة الله

بعد التحية والمباركة بالنجاح لطلاب الثانوية العامة والازهرية

هتكلم معاكوا اليوم عن تخصص التحاليل الطبية وايه المطلوب علشان أكون

أخصائى تحاليل طبية 

حضرتك الحمد لله نجحت فى الثانوية 

عايز تخش كلية العلوم علشان تشتغل فى مجال التحاليل الطبية 

علشان كده هنقولك على الاقسام الى هتخلها فى علوم ومنها تقدر تشتغل فى التحاليل 

بص معى كدة 

اولا : تدخل كلية العلوم وهى من الكليات العريقة والمعترف بشهادتها عالميا 

ثانيا : علشان تدخل مجال التحاليل الطبية فى علوم لازم تدخل قسم كيمياء خاصة أو قسم مزدوج مع الكيمياء زى ايه 

1- قسم الكيمياء الحيوية سواء خاص(بيوكيمسترى اسبشيل) او مزدوج (كيمياء/كيمياءحيوى)

2-قسم الميكروبيولوجى والكيمياء مزدوج (ميكروبيولوجى/كيمياء)

3-قسم علم الحيوان والكيمياء مزدوج(علم حيوان /كيمياء)

4-قسم كيمياء خاصة (اسبشيل) أو مزدوج (كيمياء /اى علم أخر )

ثالثا : هتعمل دراسات عليا فى كلية العلوم زى متحب دبلومة او ماجيستر او دكتوراه 

      واقرب واسهل حاجة هى دبلومة الكيمياء الحيوية  او دبلومة الميكروبيولوجى

رابعا : هتقدم فى نقابة المهن العلمية وهى هتخلص ليك الترخيص بمزاولة المهنة من وزارة الصحة المصرية

 حسب قانون الكيمياء الطبية والبكتريولوجى والباثولوجى 367 لسنة 54

ودى صورة ترخيص وزارة الصحة 

وكمان النقابة هتعطيك شهادة انك مسجل فى 

سجل أخصائيين التحاليل الطبية 

او 

سجل أستشاريين التحاليل الطبية

ودى صورة الشهادة 

وكمان تقدر تكتب
أخصائى تحاليل طبية
فى البطاقة الشخصية بعد الانضمام
لشعبة العلوم الطبية (نقابة العلماء)
لان شعبة العلوم الطبية -نقابة المهن العلمية(العلماء)
هى الممثل الوحيد للعلوم الطبية فى مصر
ودا منشور وزارة الداخلية