كيف ابحث عن شغل ؟؟؟

اى حد بيتخرج من الكليه بيكون تايه وطبعا الجميع هكذا فى البداية وبنكون مستنيين اى طرف خيط نمشى علية او اى شعله تنور لينا طريقنا

لذلك هنقدم ليكوا الموضوع ده فى عدة خطوات :-

1-    كيفية البحث عن عمل (شغل)

2-  أهم مواقع التوظيف الهامة

3-  أشهر موقع توظيف (لينكد ان) بالتفصيل

4-   تجربة أحد الزملاء فى البحث عن عمل (شغل)

عند الشغل هناك فريقان بعد التخرج من الجامعة :--

الفريق الاول اتخرجوا من الجامعة متحمسين وعارفين انهم هيقلاقوا شغل واشتغلوا بعد مخلصوا جامعة على طول ومنهم بيتنقلوا من شغلانة لشغلانة ...

الفريق الثانى اللى اتخرجوا بيقولوا مفيش شغل فى مصر غير بواسطة مش هشتغل علشان الانجليزى بتاعى مش حلو او اصل كل الشغل تسويق او تحاليل ...

علشان كدة فى عدة طرق للتفائل وهى:--

1-     قانون الجذب باختصار بيقول ان قناعتك هى الى بتشكل حياتك مش الظروف هى اللى بتشكل حياتك لازم تكون مقتنع انك هتوصل لل انت عايزة فى يوم من الايام ومتسلمش نفسك للظروف ولا دماغك لكلام الناس

2-     لازم نبقى متيقنين إن الشغل رزق بس مش معنى كدة اننا نستسلم ونياس احنا علينا السعى وربنا بيرزق

نيجى للمهم الان وهو كيفية البحث عن عمل (شغل):--

1-     لازم اولا توفر وقت للبحث عن العمل يعنى لازم تكون مهتم انك تدور لان البحث فى حد ذاتة شغل ولازم يكون اهتمام كافى فى رحلة البحث عن العمل

وفي مقولة مشهورة بتقول (finding ajob is afull time job)

انا هشتغل ولا هدور على شغل

2-     تحديد المجالات الى شتغل فيها ودى حسب دراستك او المجالات الى مش بتحتاج خبرة سابقة وممكن تشتغل فيها :------

على سبيل المثال  لو انت خريج علوم كيمياء

    يبقى ممكن تشتغل ك (chemist- medical rep- medical analysis)

حدد كام مجال يكون عندك خبرة فيه او عجبك وابتدى خد فيه كورسات او اقرا فيه حجات من عاى النت او حتى online courses

3-     تحديد الشركات الى عايز اشتغل فيها او حابيب اشتغل فيها:----------

على سبيل المثال فى فترة من الفترات كنت بدور على شعل فى مجال (( medical rep))

عملت بحث على جوجل بكل شركات الادوية ((medical)) فى مصر وبدات افتح موقع كل شركة واشوف صفحة careers

ولو مفيش vacancy

ببعتلهم ال cv  بتاعى  with cover letter

اقول لهم يبعتولى لو عندهم شغل فى مجال كذا vacancy

والحمد لله رحت 90 % من الشركات دى انترفيوهات بعد الرد

انا حددت المجال وحددت الشركات ابد ابحث وهى عن طريق:--

مواقع التواصل الاجتماعى social media

Facebook

الصفحات والجروبات كثيررررر ولازم تفتح كلهم كل يوم عشان توصلهم كلهم

وعلى سبيل المثال كلية العلوم

صفحات وجروبات هامة

جروب وظائف كيميائيين

وظائف علميين

ملتقى كلية العلوم

وغيرها كثير اكتب بس فى السيرش هتالقى كثيرررررررررر

موقع توظيف (لينكد ان)

ودا سوف يتم التحدث عنه بالتفصيل فى موضوع قادم ان شاء الله

مواقع التوظيف

يوجد مواقع كثير للتوظيف على الانترنت بالبحث هتلقيها من على جوجيل

ويمكن متابعة الفيديو فى اخر الموضوع هتستفاد جدا

العلاقات الشخصية بين الناس

ممكن تشوف صحابك بيشتغلوا فى شركات اية وتقولهم يقولولك لو فية شغل هناك وكدة

كما يمكنكم الاستماع للموضوع كامل عبر قناة شغل عقلك على اليوتيوب

كما يمكنكم متابعة المدونة من هنا